הודעהעל ידי שבענו מטובך » ו' יוני 22, 2018 3:56 pm
ריבונו של עולם
לאמיר מאכן א בייט, א בייט וועלן מיר מאכן,
איך וועל דיר געבן חטאים עוונות ופשעים, אוי וויי טאטע.
טאמער וועסטו פרעגן וואס דו וועסט מיר געבן דערפאר, זאג איך דיר,
דו וועסט מיר געבן מחילה סליחה וכפרה, אוי וויי טאטע.
טאמער וועסטו מיינען גלייך אויף גלייך, ניין זאג איך דיר,
דו וועסט מיר נאך צוגעבן בני חיי ומזוני, אוי וויי טאטע.
טאמער וועסטו פרעגן וואס בני הייסט, זאג איך דיר,
בנים ובני בנים עוסקים בתורה ובמצוות, אוי וויי טאטע.
טאמער וועסטו פרעגן וואס חיי הייסט, זאג איך דיר,
חי חי יודוך וישבחוך, אוי וויי טאטע.
טאמער וועסטו פרעגן וואס מזוני הייסט, זאג איך דיר,
ואכלת ושבעת וברכת את ה' אלקיך, אוי וויי טאטע.
די מצריים זאגן אז זייער גאט איז א גאט, ניין זאג איך דיר.
די פרסיים זאגן אז זייער גאט איז א גאט, ניין זאג איך דיר.
אבער איך לוי יצחק בן שרה סאשע זאג:
יתגדל ויתקדש שמיה רבא!